Pas interesit të Romës në orët e fundit për Casemiron ka hyrë në garë edhe Fenerbahce.
Skuadra turke e cila drejtohet nga Jose Mourinho pretendon transferimin e një mesfushori me shumë eksperiencë dhe ndoshta braziliani do të vihet përsëri nën urdhërat e këtij traineri.
Traineri i Manchester United Ruben Amorim nuk e konsideron pjesë të së ardhmes 32 vjeçarin, i cili ka provuar veten në ekipe me shumë famë, si përshembull Real Madridi dhe Porto.
Fakti se e ka humbur protagonizmin tek ‘’ Djajtë e Kuq ‘’ e përshpejton largimin nga ‘’ Old Traffordi ‘’ dhe flitet se marrëveshja mund të arrihet gjatë merkatos së verës, sipas disa mediave në Angli.
Ndoshta karriera e Casemiros do të ndryshojë por gjithsesi duhet theksuar se tek Fenerbahce gara mbetet tejet e ashpër sepse synohet fitimi i të gjithë trofeve gjatë sezoneve sidomos në Turqi, një rrugë shumë e vështirë për arsye të rivalitetit me Besiktasin dhe Galatasaray.
Vetëm 3 gola në 15 sfidat e sezonit aktual është kontributi i ishi-t të Sao Paolos, një statistikë shumë e vakët e shoqëruar edhe me një lojë e cila ka lënë për të dëshiruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
