Partizani ka zyrtarizuar ditën e sotme, drejtorin e ri sportiv, Elton Marinin. Në të kaluarën, Marini ka luajtur edhe si futbollist me të kuqtë, ndërsa tashmë i është besuar një detyrë e rëndësishme.
Marini gjithashtu ka bashkëpunuar me Partizanin, në afrimin e dy sulmuesve, si Caleb Ekuban në vitin 2016, apo edhe Xhuljano Skuka në muajin janar të këtij viti.
Partizani njofton arritjen e marrëveshjes me Elton Marinin i cili është zyrtarisht Drejtori Sportiv i të kuqve. Marini është prezantuar sot nga presidenti Gazment Demi dhe menjëherë do të nis detyrën e re në shërbim të skuadrës. Ish lojtari i Partizanit dhe menaxher i suksesshëm Elton Marini rikthehet të jetë pjesë e familjes së kuqe tashmë në postin e Drejtorit Sportiv.
Falë bashkëpunimit të hershëm me Elton Marinin pjesë e Partizanit ka qenë sulmuesi i njohur Kaleb Ekuban, dhe aktualisht sulmuesi Xhuliano Skuka. Me 16-të herë kampionët e Shqipërisë si lojtar Marini është aktivizuar përgjatë viteve 1995,1996, 1997 dhe 1998.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
