Ditët e fundit të merkatos parashikohet se do të jenë shumë emocionuese dhe me të papritura . Drejtuesit e kampionëve në fuqi të Champions Leagues janë drejt finalizimit të rindërtimit të organikës dhe janë fokusuar tek peshat e rënda të Thomas Tuchel . Flitet për mbrojtësin Antonio Rudiger që konsiderohet një element determinant i prapavijës për të cilin bashkombasi i tij kërkon qëndrimin në ‘’ Stamford Bridge ‘’ përtej 30 qershorit të 2022-shit.
Londinezët i druhen një largimi të 28 vjeçarit për të cilin lufton fort Real Madridi dhe sipas gazetarit të famshëm Ekrem Onur ishte vetë numri një i pankinës që i ka kërkuar drejtuesve me në krye presidentin miliarder Roman Abramovich që të sigurojnë me çdo kusht qëndrimin e Antonio Rudiger në kryeqytetin anglez.
Rikthimi i Carlo Ancelottit tek ‘’ Los Blancos ‘’ vijon të ketë një impakt shumë të fuqishëm për arsye se është një trainer që mban mbi supe një eksperiencë të gjatë suksesesh dhe kërkon të ketë në dispozicion lojtarët më të mirë në treg për të respektuar adn e ‘’ Galaktikëve ‘’ që gjithmonë janë shquar si pretendentë në çdo eveniment .
Një fakt nga i cili ‘’ Blutë e Londrës ‘’ duhet të bëjnë shumë kujdes është se s’duhet të presin deri në përfundimin e kontratës sepse do të lejonin largimin gratis të qëndërmbrojtësit nga Chelsea dhe do të përforconin kundërshtarët e mundshëm në Uefa Champions League .
Pavarësisht se mbetet një komponent shumë i rëndësishëm për skemat e ishi-t të Borussia Dortmundit , gjithçka do të varet nga oferta e rinovimit nga ana e anglezëve.
34 ndeshjet e sezonit të kaluar u shoqëruan me një rendiment të shkëlqyer dhe fitimin për të dytën herë të Champions Leagues, arsye të mjaftueshme për ta shëndërruar çështjen e rinovimit në një ndër prioritetet e merkatos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
