U luajtën katër ndeshjet e para në Europa League, për fazën me eliminim direkt. Nuk ka prodhuar fitues supersfida mes Barcelonës dhe Manchester United.
Përballja në “Camp Nou”, u mbyll në barazim 2-2, me katalanasit që kaluan të parët në avantazh me Alonso në minutën e 50-të.
Megjithatë avantazhi zgjati pak, pasi United përmbysi rezultatin, falë golit të Rashford në minutën e 53-të dhe autogoli i Kounde në minutën e 59-të.
Në minutën e 76-të, ishte Raphinha që vendosi baraspeshën dhe rezultati nuk ndryshoi deri në fund, me skuadrat që do të kërkojnë përmbysjen në ndeshjen e kthimit.
Roma u mposht në transfertë nga Salzburg, me këta të fundit që triumfuan falë një goli të Capaldo në minutën e 88-të.
Në sfidat e tjera, Ajax u ndal në barazim nga Union Berlin, ndërsa Shakhtar Donetsk, triumfoi 2-1 ndaj Rennes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
