Ecuria shumë e mirë e Dominik Szoboszlait me Liverpoolin së fundmi është pasuar me interesin e Real Madridit.
‘’ Los Merengues ‘’ janë koshientë se duhet të zhvillojnë një merkato cilësorë gjatë verës për t’iu rikthyer sa më shpejt titujve dhe dominimit në Spanjë dhe Europë.
Hungarezi konsiderohet ndër mesfushorët më të kompletuar në qarkullim, fakt i mjaftueshëm për tu pretenduar nga ky klub, sigurisht në rangun e më cilësorëve në historinë e futbollit.
Momentalisht krerët e ‘’ Të Kuqve ‘’ e kanë deklaruar se nuk e kanë ndërmend të lejojnë largimin e ndonjë lojtari nga ‘’ Anfield Road ‘’ por presidenti Florentino Perez do të insistojë dhe sipas ‘ Defensa Central ‘ ka përgatitur çekun prej 90 milionë eurove për 25 vjeçarin.
Referuar ishi-t të Salzburgut duhet shtuar se gjithmonë e ka bërë me dije se ëndërron ta veshë një ditë fanellën e ‘’ Galaktikëve ‘’ dhe ndoshta ky aspekt mund t’ia lehtësojë punën kreut të spanjollëve.
7 gola dhe 5 asiste në 30 sfida janë statistikat e sezonit aktual të Dominik Szoboszlait, i rëndësishëm në 11-shen e trainerit Arne Slot.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
