Me shumë projekte përpara ndër të cilat është gjetja e një traineri cilësor , Barcelona vijon këmbnguljen në funksion të progresit . Katalanasit ëndërrojnë rikthimin tek suksesi por i duhet akoma punë . Për zëvëndësimin e hollandezit kanë qarkulluar shumë emra por më i mundshmi është ai ish mesfushorit Xavi Hernandez. Megjithatë rindërtimi lidhet me shumë aspekte dhe në rastin konkret ‘’ Los Cules ‘’ vijojnë ti mëshojnë fort pistës Franck Kessie .
Mesfushori nga Bregu i Fildishtë mbart karakteristika që përputhen siç duhet me lojën e Barcelonës dhe drejtuesit e spanjollëve nuk kanë ndërmend të dorëzohen deri në momentin e veshjes së 24 vjeçarit me ngjyrat kuq e blu. Dështimi me Georginio Wijnaldum dhe shitja e Illaix Moribas tek Leipzigu e kanë detyruar automatikisht këtë skuadër për të pretenduar ishi-n e Atalantës i cili nuk po e gjen gjuhën e përbashkët me kuqezinjtë .
Ndër të tjera janë tre arsye se pse Ronald Koeman preferon Franck Kessien në repartin e mesfushës :
E para është përfundimi i kontratës në qershorin e 2022- shit. Lajmet e fundit flasin për dëshirën e largimit nga ‘’ San Siro ‘’ sepse Milani nuk i ka plotësuar kushtet e vëna nga ylli afrikan.
Megjithatë në luftë mbetet edhe Tottenham Hotspuri me Paris St Germain, kandidaturat e të cilëve e ashpërsojnë luftën . Arsyeja e dytë është se karakteristikat e tij konsiderohen të duhurat për lojën që zhvillon Barcelona . Komponentët si forca fizike , kreativiteti dhe menaxhimi i shkëlqyer i topit i japin patjetër një rëndësi të veçantë Franck Kessies dhe e shëndërrojnë në idealin për Ronald Koeman .
Së treti është mosha e tij . 24 vitet mbi supe konsiderohen një fakt shumë favorizues për të vijuar me evolucionin në një skuadër që ka humbur shumë pikë në vitet e fundit .
Largimi i Lionel Messit e ka prishur harmoninë pavarësisht se emri i Barcelonës mbetet një rrezik për çdo kundërshtar . Ecuria e deritanishme gjeneron një lloj shprese por mbetet për tu parë se si do të përgjigjen drejtuesit e italianëve për një element të domosdoshëm të mesfushës i cili ka dhënë një kontribut të çmuar gjatë 5 sezoneve tek kuqezinjtë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
