Mungesa e adaptimit tek Barcelona ka shënuar një eksperiencë të hidhur për Antoine Griezmann . Francezi nuk është kuptuar siç duhet me trainerin Ronald Koeman por vlerat e tij nuk ia kanë zbehur figurën . Atletico Madridi mendon se rikthimi në ‘’ Wanda Metropolitano ‘’ mund të rezultonte një operacion i qëlluar sepse e njeh shumë mirë lojën dhe gëzon mbështetjen absolute të drejtuesve .
Presidenti Enrique Cerezo ka shprehur dëshirën pë rikthimin e 30 vjeçarit dhe kërkon të përfitojë duke qënë se ‘’ Blaugranët ‘’ i kanë dhënë shumë prioritet rinovimit të legjendës Lionel Messi . Para dy sezonesh Barcelona investoi 120 milionë euro për Antoine Griezmann por nuk besohet se kjo çështje mund të konkretizohet pavarësisht se Atletico e vlerëson ‘’ El Principiton ‘’ . Plani i manjatit spanjoll është shkëmbimi me Joao Felix që preferohet shumë nga Barcelona .
Në lidhje me këtë çështje ai komentoi kështu :
“ Griezmann është një lojtar me shumë vlera dhe shpresoj që ta rikthejmë në Madrid . Sezonet e shkëlqyera me Atletico Madridin nuk mund të harrohen dhe do të jemi shumë të vëmëndshëm në hapat vijues ‘’ , përfundoi Enrique Cerezo . Nëse Atletico Madridi do të ketë fatin e rikthimit të Griezmann do të konsolidonte përfundimisht sulmin pa lënë në harresë eksperiencën e mëparshme dhe njohuritë e Antoine Griezmann për lojën që praktikojnë ‘’ Los Colchoneros ‘’ , fakt që do t’ia rriste kreditet për të qënë në lartësinë e sezonit aktual .
Antoine Griezmann deri më tani me ‘’ Los Cules ‘’ ka luajtur 50 ndeshje dhe ka shënuar 19 gola .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
