Juventusi mbylli një tjetër sezon zhgënjyes, pas asnjë trofe të fituar, ndryshe nga çfarë janë mësuar tifozët në vitet e fundit.
Pas problemeve të shumta me gjyqet, tashmë te klubi italian, kanë filluar të mendojnë për skuadrën e sezonit të ardhshëm.
Rezultatet aspak pozitive, kanë bërë që e ardhmja e trajnerit Massimiliano Allegri të jetë në dyshim. Nuk është marrë ende një vendim, por ekziston mundësia e një shkarkimi për teknikun livornez.
Sipas asaj që raporton “Corriere della Sera”, në takimin e fundit të drejtuesve të Juventusit, është diskutuar edhe mbi një rikthim të mundshëm të trajnerit Antonio Conte në drejtimin e bardhezinjve.
Drejtuesit pritet të kenë një takim me trajnerin Allegri dhe me pas do të merret vendimi përfundimtar. Përveç Conte, në listë për të marrë drejtimin e Juventusit janë edhe emra si Igor Tudor dhe Vicenzo Italiano.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
