Ndërprerja e marrëdhënieve me Steve Bruce për shkak të rezultateve të dobëta ka gjeneruar një lloj entuziazmi për Newcastle United sepse drejtuesit e tyre po analizojnë opsione më të përshtatshme për stolin. Projekti i Mohamed Bin Salman është në rrugën e duhur sepse miliarderi arab po i shfrytëzon të gjitha mundësite për ta perfeksionuar Newcastlen në lidhje me këtë aspekt .
Ditët e fundit emri i Paulo Fonsecas ka fituar shumë pikë brenda kampit të bardhzinjve të cilët e kanë edhe asin nën mëngë nëse portugezi nuk zbarkon në ‘’ St James ‘ Park ‘’ .
Flitet për Roberto Martinez i cili aktualisht është në drejtimin e Belgjikës . Megjithatë sipas ‘’ The Telegraph ‘’ presidenti arab ka deklaruar se është i gatshëm të ofrojë një shifër të parefuzueshme për ishi-n e Shakhtar Donetsk dhe Romës e cila arrin 7 milionë eurot në sezon .
Por problemi i vetëm për 48 vjeçarin është se do të përballej me një kampionat ndryshe dhe ky fakt do të interpretohej si një sfidë shumë interesante për Paulo Fonsecan .
Objektivi i shëndërrimit në referent absolut në Angli edhe Europë e ka bërë presidencën e Newcastle United të mos njohë asnjë limit nëse i referohemi merkatos e cila konsiderohet si rruga unike për të dominuar në botën e futbollit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
