Ecuria e shkëlqyer e Vedat Muriqit me Mallorcan e ka vënë në radarët e Atletico Madridit shtatlartin.
Kosovari ka rezultuar një ndër më të rëndësishmit e ishullorëve në fazën e parë të sezonit dhe sakrificat i janë shpërblyer me interesin e ‘’ Los Colchoneros ‘’.
Kryeqytetasit janë të gatshëm të paguajnë 15 milionë euro për të marrë shërbimet e 28 vjeçarit, autor i 13 golave dhe 3 asisteve në 18 sfidat e deritanishme.
Kjo statistikë e ka shëndërruar ndër golashënuesit më të mirë të La Ligas dhe Diego Simeone e preferon si zëvëndësuesin e brazilianit Matheus Cunha.
Me këto statistika , sigurisht transferimi i mundshëm i Vedat Muriqit në ‘’ Wanda Metropolitano ‘’ do te rezultonte nje levizje interesante ne kete merkato janari, i cili mund t’ia rikthejë buzëqeshjen ‘’ Los Rojiblancos ‘’ pas një fillimi sezoni jo të mirë, i reflektuar në eleminimin nga faza e grupeve të Champions Leagues dhe më pas tek ulje-ngritjet e vazhdueshme në La Liga.
Duke njohur kokfortësinë e ‘’ El Cholos ‘’ kuptohet se deri në fundin e merkatos do të jepet maksimumi për të lënë pas pakënaqësitë e të kaluarës dhe ta rifusë Atletico Madridin në rangun e më të mirëve në Spanjë dhe Europë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
