Interesi i Juventusit për Teun Koopmeiners është pasuar menjëherë me reagimin e drejtuesve të Atalantës.
Hollandezi e ka bërë krenar trainerin e bergamaskëve Gian Piero Gasperini dhe sipas ‘ Calciomercatos ‘, zikaltërit e kanë thënë fjalën e tyre në lidhje me këtë çështje.
50 milionë euro pretendon presidenti Antonio Percassi, i cili ka kontribuar fuqishëm në vitet e fundit për ‘’ La Dean ‘’.
Shifra konsiderohet e ekzagjeruar nga drejtuesit e ‘’ Zonjës së Vjetër ‘’, të cilët synojnë reduktimin e saj me anë të përfshirjes së ndonjë lojtari në këtë operacion.
Për Atalantan do të ishte një avantazh shitja e 26 vjeçarit, për arsye se do të mbushë arkat dhe drejtuesit do të kenë kapital të mjaftueshëm për transferime të reja në ‘’ Gewiss ‘’ gjatë merkatos së verës.
Ishi i Az Alkmaar vijon ti bëjë shkëlqyeshëm detyrat në 11-shen e Gian Piero Gasperinit, i cili në sezonin aktual është aktivizuar në 30 sfida nga italiani, të shoqëruara me 10 gola dhe 4 asiste.
Prezenca e tij në ofensivë paraqet shumë rrezik për rivalët, tek kjo Atalantë e cila po përfaqësohet denjësisht edhe në Europë, skuadër që të enjten preu biletën për në çerekfinalet e Europa Leagues.
Nga ana tjetër, torinezët vijojnë të distancuar me të kaluarën dhe Massimilliano Allegri ëndërron ta rikthejë buzëqeshjen tek lojtarët e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
