Argjentinasi Rodrigo De Paul po shijon një nga momentet më të bukura të karrierës. Me një skuadër si Udinese ekstremi ka bërë një evolucion të dukshëm. 26 vjeçari ka fituar shumë popullaritet në Calcio dhe e ka lënë pas eksperiencën e hidhur me Valencian në 2014- tën. Ky sezon do të bëhet i 5-ti për të në Serinë A Eksperienca e fituar i ka dhënë mundësinë të spikatet nga skuadrat e njohura që ia kanë ndezur shpresat për të ardhmen e dëshiruar . Pavarësisht se e ka konsoliduar pozicionin tek Udinese dhe është një lojtar i paprekshëm për trainerin Luca Gotti sipas ‘’ Tuttosport ‘’ Milani , Interi , Atletico Madridi dhe Liverpooli do të luftojnë për argjentinasin .
Me një vlerë kartoni prej 38 milionë eurosh kandidatët nuk kishin si ta hiqnin nga lista Rodrigo De Paulin që ka arritur majat me Udinezen . Kontrata me bardhezinjtë merr fund në 2024-tën por ujqërit e Europës s’duan ta humbasin shansin për ta larguar nga ‘’ Friuli ‘’. Në lidhje me kuqëzinjtë, opsioni De Paul besohet se do ti vijë në ndihmë Milanit për të përmirësuar funksionimin e mesfushës . Rikuperimi i fytyrës së vërtetë është një indikator që duhet të përforcohet me goditjet cilësore për të mos u kthyer në të kaluarën e hidhur .
Pas tyre vjen Interi . Fitimi Scudettos për të 19-tën herë nuk lë vend për gabime dhe Antonio Conte e konsideron si zëvëndësuesin e Nicolo Barrellas që nuk e ka të sigurtë qëndrimin në ‘’ Giusseppe Meazza ‘’.
Në lidhje me ‘’ Los Colchoneros ‘’ bashkombasi Diego Simeone e cilëson De Paul si nje organizator të shkëlqyer . Karakteri luftarak është qershia mbi tortë për ‘’ Los Rojiblancos ‘’ që do të kërkojnë të përshkruajnë rrugën e sezonit aktual në të cilin janë shumë afër fitimit të La Ligas .
Lista mbyllet me Liverpoolin . Sezoni thekson një dështim historik për anglezët sepse rrezikojnë mospjësmarrjen në Uefa Champions League . Dështimi me Thiago Alcantaran ia ka hapur sytë gjermanit që i ka hedhur grepat për yllin e Udinezes . Duke ditur se mbeten edhe 3 javë për mbylljen e tij Rodrigo De Paul ka patur fatin të aktivizohet në 33 ndeshje dhe ka shënuar 8 herë me një skuadër që ka notuar gjithmonë në ujërat e mesit të tabelës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
