Mungesa e arritjes së akordit për rinovimin e kontratës së Bayern Munchen me gjigandin e mbrojtjes Jerome Boateng mund të konsiderohet si fundi i etapës së gjermanit në mitikun ‘’ Allianz Arena ‘’ . 30 qershori po afron dhe 32 vjeçari është në pozicionin e vlerësimit të ofertave për vijimin e eksperiencës së tij në botën e futbollit . Rreth 17 vjet karrierë mbi supe janë një numër mëse i mjaftueshëm për përshkrimin e metrave të fundit të saj me kalimin tek një ekip që mbetet në lartësinë e performancave të lojtarit kryeqytetas . Momentalisht sipas prestigjozes britanike ‘’ The Mirror ‘’ është Premier League kampionati më i interesuar për shërbimet e yllit të Bayern Munchen . Tre nga skuadrat më të njohura si Chelsea , Arsenal dhe Tottenham Hotspur do të përjetojnë një derbi të zjarrtë midis tyre për të pasuruar organikat me një lojtar të një kalibri të tillë .
Traineri i ‘’ Bluve të Londrës “ Thomas Tuchel e ka shprehur në shumë raste se është në kërkim të një lojtari me shumë eksperiencë për të lideruar repartin defensiv dhe kush më mirë se bashkombasi i tij do ta bënte një gjë të tillë . Në të kaluarën është përfolur shumë për bashkimin e fateve të tyre por me lajmin e marrë së fundi diçka e tillë konceptohet se do të jetë më e lehtë për tu realizuar .
Në lidhje me ‘’ Topchinjtë ‘’ problemet e hasura nga numri një i pankinës Mikel Arteta e përqëndrojnë fokusin tek një lojtar i eksperimentuar në kontinentin e vjetër dhe Jerome Boateng ia plotëson këtë kusht 13 herë kampionëve të Premier Leagues . Megjithatë operacione të tilla gjithmonë rezultojnë me një koefiçent të lartë vështirësie dhe në rastin konkret ‘’ The Gunnersat “ duhet ti bëjnë llogaritë në lidhje me pagën e shtatlartit sepse përfiton 12 milionë euro në sezon.
Pas tyre mbetet Tottenham Hotspuri . Drejtuesit e ‘’ The Spursave ‘’ me në krye presidentin Daniel Levy janë të gatshëm të ndërmarrin të gjitha aksionet e nevojshme për ta shëndërruar repartin mbrojtës në më kompetitiv gjatë sezonit vijues dhe kalimi i mundshëm i Jerome Boateng në ‘’ White Hart Lane ‘’ do të gjeneronte një funksionim ndryshe të tij .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
