Niveli impresionues i Eric Garcias në sezonin aktual është pasuar me një reflektim të thellë në lidhje me të ardhmen.
Mbrojtësi gjatë një interviste të dhënë për ‘ Sport ‘ është shprehur i gatshëm të rikthehet tek Barcelona, i cili momentalisht është i huazuar tek Girona.
‘’ Kur të përfundojë sezoni do të rikthehem tek Barcelona “, ishin këto fjalët e lojtarit nga Martorell.
Duhet kujtuar se 23 vjeçari ishte pjesë e ekipeve inferiore të ‘’ La Masias ‘’ në të kaluarën, i cili u transferua në ‘’ Montilvi ‘’ për arsye se nuk gjeti shumë hapësira tek ‘’ Los Cules ‘’.
Nën drejtimin e trainerit Michel Eric Garcia ka avancuar në shumë aspekte, duke treguar se e ka kapacitetin për të qenë pjesë e një ekipi elite, në Spanjë dhe jo vetëm.
Javët vijuese do të jenë shumë përcaktuese në lidhje me të ardhmen e Eric Garcias dhe Barcelonës, pasi siç dihet edhe ajo e Xavi Hernandezit është në dyshim dhe gjatë merkatos së verës pritet një revolucion shumë i rëndësishëm tek kjo skuadër.
E shkuara dhe e tashmja po rikonfirmon problematikat e theksuara të ‘’ Blaugranëve ‘’ në aspektin defensiv dhe përforcimi i këtij reparti është një prioritet absolut për drejtuesit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
