Largimi i Carlo Ancelottit nga Evertoni ka ndikuar shumë në vendimarrjen e disa lojtarëve të rëndësishëm të ‘’ The Toffes ‘’ . James Rodriguez është drejt largimit nga ‘’ Goodison Park ‘’ dhe sipas Marcas ka iniciuar kontaktet me drejtorin sportiv të Milanit Paolo Maldini për të mundësuar transferimin në mitikun ‘’ San Siro ‘’ gjatë verës .
Ky opsion shikohet shumë interesat por duhet theksuar se vendimin final do ta ketë traineri Stefano Pioli i cili po planifikon në mënyrë të detajuar revolucionin në merkato . 29 vjeçari i ka patur të gjitha mundësitë për të avancuar me sukses për më tej por dëmtimet e njëpasnjëshme e kanë lënë disi në prapavijë dhe kjo pistë mund ti sjellë shumë benefite për shkak se kuqezinjtë janë një skuadër në rindërtim e sipër dhe për më tepër kanë arritur të zhvillojnë një performancë për tu duartrokitur gjatë sezonit të lënë pas i cili i dha mundësinë për tu rikthyer në Uefa Champions League .
Fakti i të qënit një skuadër me një histori të gjatë suksesi si në Itali ashtu edhe në Europë është një indikator se e ardhmja mund të rezultojë befasuese pavarësisht se rivaliteti sa vjen e ashpërsohet por në rast se merret si shembull sezoni i kaluar arrihet në konkluzionin se Milani do ti sjellë shumë probleme rivalëve direkt për shkak të eksperiencës së jashtëzakonshme që mban mbi supe . Ky objektiv pavarësisht emrit të madh të Milanit mund të bëhet realitet me afrimin e lojtarëve me peshë në Milano dhe James Rodriguez disponon të gjitha cilësitë për tu shëndërruar në një lider absolut të mesfushës .
6 gola dhe 9 asiste në 26 ndeshje të zhvilluara të cilave i shtohet një performancë pozitive në një kampionat me një koefiçent vështirësie të konsiderueshëm siç është Premier League ia mbajnë të ndezura shpresat mesfushorit nga Cucuta dhe njëkohësisht shitja e tij do ta ndihmonte Evertonin për të fuqizuar arkat me objektivin e afrimit të lojtarëve cilësorë .
Nëse ky operacion do të konkretizohet me padiskutim do të konsiderohej si një ndër më interesantët e merkatos e cila parashikohet që do të jetë shumë emocionuese dhe me të papritura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
