Kandidati i Atleticos për stolin

Spekullimet e shumta gjatë kohëve të fundit në lidhje me të ardhmen e Diego Simeones kanë filluar ti frikësojnë drejtuesit e Atletico Madridit . 11 vitet nën drejtimin e ‘’ El Cholos ‘’  konsiderohen tejet të suksesshme sepse ‘’ Los Colchoneros ‘’ kanë shijuar fitimin e trofeve të paparashikuar më përpara por aktualisht nxënësit e argjentinasit kanë rrëshkitur disi .  

Me një kontratë deri në 30 qershorin e 2024-tës dhe faktin e të pasurit besimin absolut të drejtuesve të lideruar nga presidenti Enrique Cerezo , 51 vjeçari ndodhet midis dy zjarresh sepse  rezultatet e fundit i kanë gjeneruar shumë dyshime për qëndrimin në ‘’ Wanda Metropolitano ‘’.

Në kohët e sotme është e vështirë që të përfshihesh ndër më të mirët jo vetëm të Spanjës por edhe Europës dhe me potencialin që e karakterizon Diego Simeone ja ka dhënë këtë privilegj Atleticos .

Por ndryshimet janë konstante  dhe mendohet vetëm për të ardhmen dhe natyrisht  një skuadër me komponentët në përbërje duke mos anashkaluar  historinë e sukseseve gjatë viteve të fundit i ka paraprirë situatave të pakëndshme duke  deklaruar një emblemë si kandidatin e ardhshëm për pankinën e ‘’ Los Rojiblancos ‘’ .

Fernando Torres , i quajtur ndryshe si ‘’ El Nino ‘’  ka marrë vlerësimin e manjatit spanjoll, i cili po bën një punë për tu duartrokitur në ekipet inferiore , aventurë që e mban në lojë që një ditë të marrë në dorë fatet e ekipit të parë .

Tani për tani ish golashënuesi i ‘’ La Furia Rojas ‘’ mbetet opsioni preferencial i Atleticos , një skuadër tek e cila presioni për të dhënë më të mirën është i vazhdueshëm dhe me ishi-n e River Plate është përballuar siç duhet deri në momentin që flasim .

Arritjet e Diego Simeones konceptohen shumë të vështira për tu përseritur nga një tjetër trainer, por jo të pamundura dhe dashuria e Fernando Torres për skuadrën e zemrës mund ta ndihmojë që të vijojë rrugën e suksesit gjithmonë nëse argjentinasi do ti japë fund eksperiencës në kryeqytetin spanjoll.