Dihet se Manchester United do të jetë një ndër protagonistët e merkatos së dimrit.
Tek ‘’ Djajtë e Kuq ‘’ po punohet me shumë seriozitet për ta ndryshuar historinë dhe të shtojnë titujt në vitrinën e tejmbushur.
Vlen për tu ripërmendur se anglezët konsiderohen një ndër ekipet më të pasur dhe traineri Ruben Amorim në bashkpunim me drejtuesit po i bëjnë mirë llogaritë për fazën më deçizive të sezonit.
Portugezi e ka deklaruar objektivin e rradhës dhe bëhet fjalë për Conor Gallagher.
Mesfushori po zhvillon sezonin e dytë me Atletico Madridin dhe konsiderohet një ndër më cilësorët e 11-shes së Diego Simeones.
Përpara këtij interesi, sipas ‘ EstadioDeportivos ‘ ‘’ Los Colchoneros ‘’ pranojnë të negociojnë duke filluar nga 30 milionë euro.
Kontrata e ishi-t të Chelseat skadon në 2029-tën dhe gjigandët e Anglisë dhe jo vetëm do të tentojnë ta rikthejnë në Premier League.
Sezonin aktual nxënësi i ‘’ El Cholos ‘’ numëron 2 gola në 16 sfida dhe në secilën prej tyre ka spikatur.
Mënyra se si luan i ka dhënë siguri ish trainerit të Sporting Lisbonës, i cili shquhet si për aspektin ofensiv dhe atë defensiv dhe mund ti japë një tjetër ritëm lojës së Manchester United.
Megjithatë numri një i stolit të madrilenëve e ka të qartë se për të luftuar për tituj duhet medoemos të sigurojë qëndrimin e peshave të rënda në ‘’ Wanda Metropolitano ‘’ por duhet patur parasysh se në rastin e një ofertë të konsiderueshme nga Joel dhe Avram Glazer do të rezultonte e vështirë arritja e këtij objektivi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
