Ecuria shumë e mirë e Joao Cancelos tek Barcelona , i ka vënë në lëvizje drejtuesit për të siguruar qëndrimin e ishi-t të Valencias në ‘’ Camp Nou ‘’.
Momentalisht kartoni i portugezit është në pronësi të Manchester City-t dhe ‘’ Blaugranët ‘’ janë shprehur të gatshëm të paguajnë 25 milionë eurot, shifër e cila i korrespondon vlerës së kartonit.
Mbrojtësi ka treguar një nivel për tu duartrokitur në këtë fazë të parë të sezonit me spanjollët , i cili është shëndërruar në një element kyç në skemat e Xavi Hernandez.
Parashikohet se në vijimësi do të intensifikohen negociatat ndërmjet drejtuesve respektivë për arritjen e objektivit, një prioritet i kuq e bluve në lidhje me periudhën e transferimeve.
Deri më tani Joao Cancelo numëron 19 sfida me ‘’ Los Cules ‘’ , i cili është parë mjaft aktiv drejt portave kundërshtare , fakt i provuar me 5 gola të shënuar dhe dy asiste për shokët e skuadrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
