Kun Aguero ka njoftuar tërheqjen nga futbolli i luajtur. Shkak për këtë janë bërë problemet me zemrën te sulmuesi argjentinas.
Ky i fundit nëpërmjet një konference për shtyp, ka bërë të ditur se nuk do të kthehet më në fushë për të luajtur.
33-vjeçari u transferua te Barcelona në merkaton e verës, por aventura te katalanasit nuk shkoi si duhej, pasi fillimisht pësoi dëmtim duke iu shtyrë debutimi dhe më pas në ndeshjen ndaj Alaves shfaqi probleme me zemrën, sfidë kjo e cila ishte e fundit për argjentinasin.
Gjatë momentit kur njoftoi tërheqjen nga futbolli në konferencë, Aguero e kishte të pamundur t’i mbante lotët. Gjatë karrierës së tij, Aguero ka luajtur me Indipendente, Atletico Madrid, Mancherster City dhe Barcelonën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
