Pas disa alternativave në lidhje me përforcimin e krahut të djathtë të mbrojtjes drejtuesit e Real Madridit i kanë shtuar një tjetër emër listës së gjatë.
Tiago Santos i Lilles shikohet si një zëvëndësues ideal i Dani Carvajal, i cili fatkeqësisht do të mungojë për një kohë të gjatë.
Trainerit Carlo Ancelotti nuk i ka mbetur zgjidhje tjetër veçse të provojë Federico Valverden apo Lucas Vazquez në këtë pozicion jo natyral për to.
Në rastin konkret 22 vjeçari e ka eksperiencën për t’iu bashkuar një ekipi elite dhe interesi i ‘’ Galaktikëve ‘’ ia rrit automatikisht vlerat.
Të ndërgjegjshëm për fuqinë e presidentit Florentino Perez, drejtuesit e ‘’ Les Dogues ‘’ menjëherë kanë reaguar duke përcaktuar çmimin për Tiago Santos.
Afro 15 milionë euro pretendohen për luzitanin, kontributi i të cilit i ka ndihmuar ish kampionët e Ligue 1 për të avancuar për më tej.
Konkretisht Lilla i shkaktoi një humbje ‘’ Los Blancos ‘’ në sfidën e dytë të vlefshme për Champions Leaguen por dihet se kur flitet për një klub të këtyre niveleve, për çdo lojtar është një privilegj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
