Kapiteni i Vllaznisë Erdenis Gurishta shprehet se gabimi i skuadrës shkodrane këtë sezon ishte mungesa e cizinimit. Në një lidhje skype për emisionin ‘Skaner’ në MCNTV Gurishta shton se Vllaznia duhet të kishte administruar më mirë diferencën 9 pikë që kishte me rivalët në një pikë të kampionatit.
‘Kjo situatë në kampionatin tonë edhe e cuditshme edhe e bukur. Kjo javë është e rëndësishme sepse me një fitore tonën kundër Partizanit dhe e Lacit kundër Teutës shpallemi kampion. Për mendimin tim deri më sot Vllaznia dhe Partizani bëjnë lojën më të bukur. Ne duhet të ishim treguar më të vëmendshëm, sepse duke luajtur hapur kemi humbur shumë ndeshje. Besoj se duhet ta kishim administruar më mirë avantazhin e 9 pikëve para, të ishim më cinik. Mendoj se ky mund të ketë qenë edhe gabimi,’-u shpreh Gurishta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
