Teuta e ka nisur me fitore kampionatin, teksa ka mposhtur minimalisht Partizanin në javën e parë.
Durrsakët i janë falur një gafe të portierit Alban Hoxha, e cila u shfrytëzua mjaft mirë nga sulmuesi Gorgiev në minutën e 18-të, duke e dërguar topin në rrjetë.
Partizani kishte mundësinë të barazonte shifrat në minutën e 59-të, por Stenio Junior gaboi nga pika e bardhë e penalltisë. Deri në fund rezultati nuk ndryshoi, me skuadrën e Martinit që shijon 3 pikët e para.
Kështu kampionët e Teutës e nisin me fitore, ndërsa te Partizani humbasin për të pestin edicion radhazi ndeshjen hapëse të kampionatit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
