Merkatoja dimërore konceptohet si një trampolinë për Milanin për të thyer akullin në Serinë A . Kuqezinjtë kanë ditur të jenë një kockë e fortë në Itali deri më tani dhe po marrin shënimet për prurjet e janarit .
Italianët janë përqëndruar në Ligue 1 , jo tek ndonjë ekip me emër por tek modestët e Brest . Mesfushori Romain Favre e ka impresionuar Stefano Piolin i cili menjëherë e ka vënë në listën e transferimeve duke ia shtuar vlerat .
Sipas Calciomercatos Milani nuk preferon të humbasë asnjë sekond por do të dërgojë ofertën në adresë të 23 vjeçarit gjatë javëve vijuese i cili konsiderohet një titullar i padiskutueshëm nga Michel Der Zakarian .
Opsioni i Paolo Maldinit ka marrë konfirmimin e menjëhershëm të Stefano Piolit , trainer që ka ndihmuar në proçesin e rindërtimit deri në arritjen në Champions League .
Natyrisht që me një rivalitet të tillë në Scudetto dhe pa dyshim në turneun prestigjoz , Milanit pavarësisht eksperiencës së madhe i duhet të bëjë zgjedhje perfekte sepse faza e dytë e sezonit do të tregojë limitet e kësaj skuadre .
Potenciali i të besuarve të Stefano Piolit evidenton një vështirësi për çdo kundërshtar por fakti se prej shumë vitesh e ka humbur rivalitetin e kohëve të arta thekson një punë voluminoze në të tashmen për të përballuar siç duhet të ardhmen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
