Fitimi i titullit të Fa Cup në sezonin e shkuar në njëfarë mënyre justifikoi punën e bërë nga Erik Ten Hag nën drejtimin e Manchester United.
Megjithatë, kjo arritje ishte shumë pak për një skuadër të këtyre niveleve, e cila në vitet e fundit ka lënë për të dëshiruar.
Eleminimi fillimisht nga grupet e Champions Leagues u shoqërua më pas nga renditja në vendin e shtatë në kampionat por titulli i fituar i dha mundësinë ‘’ The Red Devilsave ‘’ të jenë përsëri pjesë e Kupave të Europës në sezonin vijues.
Për sa i përket largimeve, janë deklaruar ato të Raphael Varanes dhe Antony Martial, të cilët e finalizuan kontratën me 20 herë kampionët e Premier Leagues dhe gjithashtu ato të Casemiros dhe Sofyan Amrabat.
Shumë shpejt drejtuesit i dhanë sinjalet me transferimin e Leny Yoros në ‘’ Old Trafford ‘’, kartoni i të cilit i kushtoi më shumë se 60 milionë euro dhe flitet se ai i rradhës do të jetë ai i Manuel Ugartes.
Mungesa e protagonizmit në skemat e Luis Enriques ia ka hapur dyert e largimit nga ‘’ Parque de Princes ‘’ uruguajanit, një lojtar stabël edhe tek kombëtarja e ‘’ Celestëve ‘’.
Besohet se do të shpenzohen 70 milionë euro për mesfushorin por s’mbaron me kaq sepse edhe Xavi Simons po monitorohet prej kohësh dhe natyrisht është një dëshirë e bashkombasit të tij.
Mesfushori i Leipzigut thuhet se do të kushtojë rreth 100 milionë euro, por gjithsesi duhet patur parasysh se kemi të bëjmë me një ndër klubet më të pasur të botës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
