Duel gjigandësh për Alex Baena

 Fillimi i sezonit për Villarealin ka shërbyer për të nxjerrë në pah potencialin e disa lojtarëve .

‘’ Nëndetësja e Verdhë ‘’ shquhet si një ndër ekipet më të fortë të Primera Divisionit, i cili në të kaluarën fitoi Europa Leaguen, ndërsa në Champions League arriti gjysëmfinalet .

Alex Baena vijon të jetë një ndër nxënësit shembullorë të Unay Emery-t për të cilin disa pretendentë cilësorë kanë filluar të fërkojnë duart. 

Manchester City, Liverpool, Arsenali dhe Chelsea do të zhvillojnë një tjetër supersfidë angleze për 21 vjeçarin i cili gëzon mbështetjen e strategut spanjoll, trainer që la shenjë në të kaluarën  tek Sevilla.  

Interesi masiv ka shkaktuar rënien e këmbanave të alarmit tek ekipi nga Castellon sepse flitet për një element shumë premtues, me të cilin pretendohet rinovimi deri në 2025-sën për të evituar largimin nga spanjollët.  

Klauzola e prishjes së kontratës aktualisht arrin 35 milionë eurot, shifër lehtësisht e përballueshme nga pretendentët.

Arritjet me Villarealin e kanë lartësuar emrin e Unay Emery i cili në pak kohë fitoi Europa Leaguen duke e vendosur ekipin e tij në librin e fituesve të kompeticionit të dytë europian për nga rëndësia .

Sigurisht potenciali  i anglezëve s’ka nevojë për koment por rëndësia e Alex Baenas në 11-shen e ishi-t të Sevillas të jep për të kuptuar se do ta kenë shumë të vështirë ta largojnë nga Spanja.