E ardhmja e Jude Bellingham vijon të jetë e lidhur me kalimin e mundshëm tek një klub elite, për të cilin Borussia Dortmundi pretendon mbi 100 milionë euro.
Anglezi nuk ka të ndalur me progresin dhe ky fakt e shton dëshirën e pretendentëve për arritjen e akordit në verën e ardhshme.
Megjithatë , sipas ‘ As ‘ , 19 vjeçari synon transferimin në ‘’ Santiago Bernabeu ‘’ edhe pse Liverpooli dhe Manchester City po luftojnë fort për ishi-n e Birminghamit.
Carlo Ancelotti e ka shprehur se ylli anglez është një ndër objektivat kryesorë për të ardhmen dhe në fakt Florentino Perezi asnjëherë nuk është dorëzuar në lidhje me fuqizimin e ekipit të zemrës, i cili ia ka shpërblyer sakrificat në vitet e fundit me fitimin e trofeve të rëndësishëm.
Që prej largimit nga Birminghami në merkaton e 2020-tës , ‘’ Galaktikët ‘’ e kanë ndjekur me kujdes Jude Bellinghamin , operacion që mund të arrijë deri në 150 milionë euro.
Interesi i ‘’ Los Blancos ‘’ sigurisht konsiderohet edhe një privilegj për lojtarin në fjalë , për të cilin mendohet se ky sezon do ti vërë pikën ekspriencës në ‘’ Signal Iduna Park ‘’ .
Sezoni aktual , deri në momentin që flasim është shoqëruar me 11 gola dhe 7 asiste në 37 sfida , cilësitë e të cilit i kanë dhënë avantazhe ofensivës por besohet se ka ardhur momenti për të iniciuar një tjetër eksperiencë në karrierë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
