Duket se kapitulli i Heung Min Son me Tottenham Hotspurin do të mbyllet shumë shpejt.
Koreano-jugori e përfundon kontratën në 2025-sën dhe tashmë disa ekipe kanë filluar të interesohen për shërbimet e tij.
Sezoni aktual është i dhjeti në ‘’ White Hart Lane ‘’ dhe natyrisht konsiderohet një ndër elementët me më shumë influencë në ofensivën e kryeqytetasve.
169 gola në 427 sfida janë statistikat e arritura nga sulmuesi, shumë i rrezikshëm dhe i shpejtë, një dhimbje koke e vazhdueshme për rivalët.
Atletico Madridi është një ndër pretendentët kryesorë për 32 vjeçarin, i cili e ka eksperiencën e duhur për të qenë determinant në çdo klub me emër.
Mënyra se si luan preferohet shumë nga Diego Simeone, një trainer që i ka dhënë shumë të ashtuquajturve ‘’ Los Colchoneros ‘’, i cili sigurisht garanton sukseset për vijimësinë.
Momentalisht e ardhmja e Heung Min Son mbetet e paqartë, për të cilin nuk përjashtohet interesi i të tjerë pretendentëve gjatë merkatos së janarit.
Për sa i përket skuadrës së ‘’ El Cholos ‘’ duhet theksuar se në sezonin aktual ka rikuperuar ndjeshëm nga terreni i humbur në të kaluarën sidomos në La Liga, fakt që reflektohet me renditjen në vendin e dytë, me pikë të barabarta me Barcelonën por me një ndeshje më pak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
