Mesfushori i Kukësit, Ardit Hila në emisionin “Skaner” në MCN TV, është shprehur se te verilindorët e kishin parashikuar një ndalesë të Tiranës, siç ndodhi ndaj Skënderbeut. Hila tha se sipas statistikave, Kukësi ka qenë dominues ndaj çdo kundërshtari.
“Është akoma fillimi i kampionatin. Mirë që Tirana u ndal nga Skënderbeut. E kishim parashikuar një ndalesë të bardhebluve. Është një superasist për ne. Mendoj se ekipet janë aty-aty, por duke ecur nga statistikat, shikojmë se Kukësi ka qenë dominues ndaj çdo skuadre. Ishte ndeshja me Skënderbeun, që është terren shumë i vështirë, pastaj në ndeshjen direkte me Tiranën nuk na lejohej gabimi dhe ia dolëm.”, u shpreh Hila.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
