Uria e pakufijshme për sukses e ka vënë në qendër të vëmëndjes Liverpoolin në lidhje me merkaton . Këtë herë ‘’ The Redsat ‘’ i kanë hedhur grepat përtej kontinentit të vjetër pikërisht në tokën e premtuar ku talentët asnjëherë nuk kanë munguar . Flitet për perlën e Santos-it Angelo Gabriel i cili së fundmi është shëndërruar në një ndër zbulimet e kupës Santander Libertadores e quajtur ndryshe Champions League e Amerikës Jugore .
16 vjeçari ka spikatur nën urdhërat e argjentinasit Arien Holan dhe është shëndërruar në referencën kryesore në mesfushën e brazilianëve . Ashtu siç ndodh gjithmonë me talentin e jashtëzakonshëm lojtarë të tillë në pak kohë bëhen pjesë e listës së klubeve më të fuqishëm në botën e futbollit . I konsideruar si Neymari i ri e ardhmja e Angelo Gabriel besohet se shumë shpejt do të marrë zgjidhjen e merituar sepse progresi i bërë në fushën e lojës i krijon mundësinë për tu larguar sa më shpejt nga Brasileirao .
Një fakt interesant që është reflektuar nga drejtori sportiv i bardhezinjve Jorge Andrade dhe nuk i ka shpëtuar të përditshmes braziliane Uol është se interesi i gjigandit të Premier Leagues ekziston prej kohësh por u fuqizua më tepër me golin e shënuar në fushën e San Lorenzos , ndeshje e fituar me shifrat 1-3 .
‘’ Janë disa skuadra që kanë shfaqur interes për Angelo-n ndër të cilat edhe Liverpooli “ , ishte afirmimi i drejtorit sportiv të Santos-it .
Një specifikë të veçantë që kanë të tilla operacione është se në këtë rast skuadra e Santos me siguri do të kërkojë një shumë të majme parash për ta lënë të lirë yllin e tij , kërkesë që parashikohet se Liverpooli do ta plotësojë pa probleme duke patur parasysh se disponojnë një potencial ekonomik të jashtëzakonshëm dhe do të fitonte një vlerë të shtuar për të ardhmen e pretenduar si në Angli ashtu edhe më gjerë .
Sezoni për ekstremin kryeqytetas vijon me ritme shumë pozitive dhe deri tani ka mundur të shfaqë potencialin e tij në 6 ndeshje ndër të cilat ka gjetur në një rast rrugën e rrjetës në një ndër kampionatet më të vështirë dhe mbresëlënës të Amerikes Latine .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
