UEFA i ka dhënë një tjetër goditje të fortë skuadrës së Skënderbeut duke e përjashtuar për 10 vite nga të gjitha kompeticionet e UEFA-s.
Vendimi është dhënë nga ana e Komisionit të Disiplinës në UEFA, duke i dhënë një shuplakë të rëndë klubi korçar dhe futbollit shqiptar.
Lajmin e bën të ditur e përditshmja “Panorama Sport”, e cila shkruan se ka dhe dokumentin e UEFA-s në lidhje me vendimin për përjashtimin e Skënderbeut.
Klubi i Skënderbeut është dënuar, nga komisionet disiplinore të UEFA-s më datë 7 shkurt, ditën kur në vendin tonë u mbajtën dhe zgjedhjet për kreun e ri të Federatës Shqiptare të Futbollit.
Përveç pëjashtimit Skenderbeu eshte denuar dhe me 1 milion euro gjobe.
Kujtojmë që UEFA e ka përjashtuar dhe më parë Skënderbeun nga kompeticionet europiane për shkak të trukimeve që ky klub ka kryer.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
