Klubi i Partizanit, ka njoftuar ditën e sotme, se ndeshja e kthimit në turin e parë në Conference League, ndaj gjeorgjianëve të Saburtalo do të luhet në stadiumin “Air Albania”.
Të kuqtë, e kanë bërë të ditur këtë, nëpërmjet rrjeteve sociale. Një lajm i mirë ky për tifozët e Partizanit, që do të kenë mundësinë ta ndjekin skuadrën e tyre në kryeqytet.
Ndeshja e kthimit, do të luhet më 14 korrik në orën 20:00.
Njoftimi i Partizanit:
Partizani me kënaqësi njofton se ndeshja e kthimit Partizani - Saburtalo e vlefshme për turin e parë të Europa Conference League do të zhvillohet në stadiumin "Air Albania". Impjanti i kryeqytetit do të jetë stadiumi pritës i të kuqve për takimin ndaj gjeorgjianëve të Saburtalo në program të enjten datë 14 korrik ora 20:00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
