Shpresat e Kombëtares për të patur Marash Kumbullën për tre ndeshjet e radhës janë shuar përfundimisht. Kjo pasi vetë futbollisti me anë të një njoftimi në rrjetet sociale ka lajmëruar se është prekur nga COVID. Kumbulla thotë se është asimptomatik dhe gëzon gjendje të mirë shëndetësore.
Postimi i Kumbullës:
“Përshëndetje të gjithëve! Nga tamponi i fundit që bëra, kam rezultuar pozitiv ndaj Koronavirusit, por për fat jam mirë dhe nuk kam asnjë simptomë. Askush nuk mund të thotë se është plotësisht i sigurt nga ky virus, prandaj do doja të sensibilizoja për të gjithë, që të mbroheni dhe të mos rrezikoni shëndetin tuaj dhe të të tjerëve. Përshëndetje të gjithë tifozëve dhe të gjithë ata persona që po kalojnë një moment të vështirë. Do të shihemi së shpejti!”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
