Progresi i bërë me një skuadër të dorës së dytë në Premier League si Southampton po e çon drejt një suksesi të ëndërruar mesfushorin Mohamed Elyounoussi . Arsenali dhe Leicesteri kanë filluar tratativat për ta larguar nga ‘’ St Mary’s “ për shkak se e vlerësojnë shumë ecurinë e deritanishme dhe karakteristikat e norvegjezit ndër të cilat spikat polivalenca e tij .
Fuqizimi i repartit të avancuar është një ndër prioritetet e ‘’ Topchinjve ‘’ dhe ‘’ The Foxes ‘’ të cilët synojnë të rikthehen në rivalin e dikurshëm që bënte ligjin në Premier League.
Vlera e kartonit të 27 vjeçarit sipas ‘’ Teamtalk “ arrin 12 milionë eurot por drejtuesit e ‘’ Shenjtorëve ‘’ nuk do të lejojnë largimin e Mohamed Elyounoussi-t për më pak se 20 milionë euro .
Fakti se është një ndër elementët kyç të skemave të Ralph Hasenhuttl i jep përparësi për të qenë pjesë e një skuadre që garanton shumë për të ardhmen .
Fillimi i sezonit thjesht ka konfirmuar vlerat e mrekullueshme të nordikut dhe gjithashtu ia mban të hapur rrugën për të provuar një tjetër eksperiencë . Dy vitet e huazimit tek Celtic i kanë dhënë një tjetër impakt karrierës së Mohamed Elyounoussi-t dhe interesi i Arsenalit dhe Leicesterit konsiderohet tepër llogjik .
Megjithatë gara ndërmjet tyre do të ketë shumë rivalitet sepse jane dy kundërshtarë që meritojnë respekt në Angli dhe Europë pavarësisht se ‘’ Topchinjtë ‘’ fatkeqësisht nuk do të kenë fatin për tu përfaqësuar gjatë këtij sezoni por historia shumëvjeçare e suksesit me siguri që do të ketë një domethënie për mesfushorin e anglezëve .
7 ndeshjet dhe 4 gola kanë konfirmuar formën brilante të Mohamed Elyounoussi-t për të cilin Southampton investoi 18 milionë euro duke e transferuar nga zvicerianët e Baselit në merkaton e 2018- tës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
