Clement Lenglet prej dy sezonesh po tregon një rënie të theksuar rendimenti tek Barcelona dhe duket se merkatoja e verës do ti japë shansin për të nisur një tjetër aventurë .
Katalanasit duhet në mënyrë emergjente të bëjnë llogaritë në lidhje me transferimet dhe francezi nuk e ka bindur Xavi Hernandezin , arsye që mund ta largojë shumë shpejt nga ‘’ Camp Nou ‘’.
Një dritë shprese në fundin e tunelit është shfaqur për qëndërmbrojtësin sepse Tottenhami po mendon ta afrojë në Londër .
Sipas prestigjozes ‘ Sport ‘, ‘’ Gjelat e Londrës ‘’ kanë menduar huazimin e 26 vjeçarit me qëllimin e një analizë të detajuar të rendimentit të tij , në një kampionat shumë të vështirë si Premier League.
Megjithatë, përplasjet e para ndërmjet kërkesave të Barcelonës dhe ofertës së Tottenham Hotspurit janë shfaqur sepse kryeqytetasit nuk mund ti plotësojnë kushtet e spanjollëve sepse s’mund ta paguajnë të gjithë vlerën e kartonit dhe ndoshta ky fakt mund të prodhojë dështimin në këtë tentativë.
Antonio Conte e ka preferuar Clement Lenglet që në kohën kur drejtonte Interin por ideja e tij konsiderohet në mospërputhje atë të drejtuesve të Barcelonës të cilëve i nevojitet fuqizimi i arkave dhe njëkohësisht të reduktojnë pagat e lojtarëve për të mos krijuar probleme gjatë merkatos me objektivat e Xavi Hernandezit.
Tottenham Hotspuri falë trainerit nga Lecce është shumë afër pjesëmarrjes në Champions League , turneu i preferuar i anglezëve të cilët para disa sezonesh arritën në finalen e madhe nën drejtimin e Mauricio Pochttinos.
Me ishi-n e Chelseat shumë gjëra kanë ndryshuar por mbetet për tu parë se çfarë do të prodhojë merkatoja e verës gjatë të cilës Antonio Conte do të jetë shumë i përqëndruar sepse pjesëmarrja në Champions League ka një specifikë ndryshe dhe natyrisht e shton impenjimin në lidhje me sezonin vijues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
