Vendimi për të lënë Nacionalin pas Botërorit të Katarit ia ka hapur rrugët Luis Suarezit i cili duket se e ka zgjedhur destinacionin për të ardhmen.
Sipas ‘ RAC 1 ‘ uruguajani i ka thënë ‘ po ‘ ofertës së Los Angeles Galaxy, ekip që lufton prej kohësh për shërbimet e golashënuesit.
Oferta e amerikanëve praktikisht konsiderohet e parefuzueshme dhe 35 vjeçari do të ribashkohet me ish shokun e tij tek Barcelona Riqui Puig .
Fillimisht Inter Miami insistoi për Luis Suarezin por Los Angeles Galaxy e ka parakaluar dhe shumë shpejt do të fuqizohet me një ndër sulmuesit më të rrezikshëm në vitet e fundit dhe natyrisht Major League Soccer do të rrisë dukshëm kualitetin me transferimin e ishi-t të Nacional të Montevideos.
Sigurisht niveli në Amerikë nuk krahasohet me kampionatet e elitës europiane por vitet bëjnë të vetën dhe oferta e drejtuesve në këtë rast bën diferencën .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
