Atletico pa dyshim do të jetë një ndër skuadrat protagoniste në merkatot vijuese. Arsyeja është e thjeshtë .
Disa nga komponentët aktualë të ‘’ Los Rojiblancos ‘’ nuk e kanë gjetur gjuhën e përbashkët me drejtuesit për vijimin në ‘’ Wanda Metropolitano ‘’ dhe këta të fundit duhet të veprojnë me shpejtësi për të evituar kundrakohët e mundshme në fazën e dytë të sezonit. Drejtori sportiv Andrea Berta i ka vënë gishtin tre alternativave që mund të shkaktojnë risi tek kryeqyteasit .
Një ndër preferencat e Diego Simeones është Andreas Christensen . Danezi e ka përforcuar pozicionin tek Chelsea dhe vlerësohet si lideri i ardhshëm në prapavijën e ‘’ Los Colchoneros ‘’. Mosmarrëveshjet e vazhdueshme me Savic dhe Felipen të cilët nuk e kanë të sigurtë të ardhmen në Madrid e kanë bërë argjentinasin të fokusohet tek nordiku që vjen pas një sezoni ideal me Chelsean .
Pas tij renditet Denis Zakaria . Mesfushori i Borussia Mochengladbah prej kohësh spikat tek gjermanët dhe ka arritur një nivel mbresëlënës . Sigurisht që prezenca e zvicerianit do të ishte një kontribut me vlera për mbarëvajtjen e madrilenëve.
Ndërsa në fund është një lojtar i pretenduar prej shumë sezonesh . Alexandre Lacazette konsiderohet një profil ideal për lojën që zhvillojnë spanjollët dhe preferohet shumë nga Diego Simeone . Ecuria me ulje-ngritje në ‘’ Emirates ‘’ sipas deklaratave të francezit do të përfundojë në fundin e sezonit aktual dhe mundësitë për të udhëtuar drejt ‘’ Wanda Metropolitanos ‘’ janë konkrete .
Megjithatë duhet evidentuar se ‘’ Topchinjtë ‘’ së fundmi i kanë propozuar Real Madridit një shkëmbim kokë më kokë të ishi-t të Lyonit me Gareth Bale , por duhet parë se çfarë përgjigje do ti japin ‘’ Galaktikët ‘’ kërkesës se londinezëve .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
