Në sezonin e tretë me Napolin Victor Osmihen po rikonfirmon potencialin në metrat e fundit .
Sulmuesi nigerian numëron 32 gola dhe 11 asiste në 70 takime dhe pa dyshim ekipet e elitës prej kohësh po i trokasin në derë italianëve .
Sigurisht për manjatin dhe njëkohësisht presidentin Aurelio De Laurentis është një moment shumë i rëndësishëm për mbushjen e arkave dhe italiani është përgjigjur duke caktuar vlerën për të cilën është i gatshëm t’ia hapë dyert e largimit nga ‘’ Diego Armando Maradona ‘’.
100 milionë euro është vlera për të cilën ‘’ Azurrët ‘’ janë të gatshëm të negociojnë me cilindo ekip për shitjen e 23 vjeçarit pasi e vlerësojnë maksimalisht kontributin e dhënë.
Aurelio De Laurentis gjithmonë është karakterizuar si një person kokëfortë në lidhje me negociatat , sidomos kur flitet për peshat e rënda në ekipin e zemrës.
Kalimi nga Lille në Serinë A ishte fillimi i një rruge të suksesshme dhe Victor Osmihen po shpërblehet për sakrificat e bëra ndër vite , kryesisht tek ‘’ Il Partenopei ‘’.
Duhet shtuar se drejtuesit e Napolit janë treguar shumë korrektë deri në këtë moment dhe pritet reagimi i pretendentëve gjatë merkatos duke patur gjithmonë parasysh që presidenti 73 vjeçar nuk do të bëjë lëshime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
