Manchester Untied ka bërë mrekullinë në ndeshjen e dytë të “Champions League” përballë PSG-së duke u kualifikuar për në fazën tjetër, pavarsisht se humbën në takimin e parë të zhvilluar në Angli.
Të besuarit e Solskjaerit triumfuan me rezultatin e 1-3, që u mjaftoi “Djajve të kuq” të arrinin fazën e 1/8-ve të këtij kompeticioni, duke hedhur poshtë humbjen e ndeshjes së parë në “Old Trafford” me rezultatin 0-2.
“Djajtë e kuq” arritën që të ndiznin shpresën për një kualifikim që në minutën e dytë të takimit ku sulmuesi Romelu Lukakau shënoi në portën kundërshtare pas një gafe të mbrojtjes së PSG-së.
Megjithatë, reagimi i vendasve erdhi menjëherë me anë të Bernat që barazoi gjithçka në minutën e 12-të pas një asisit spektakolar të dhuruar nga talenti Mbappe.
Do të ishte sërish Lukaku që 15-minuta para përfundimit të pjesës së parë të ndeshjes do të kalonte sërish në avantazh United pas një gafe të Buffon.
Kur ndeshja po shkonte drejt fundit, miqtë fituan një 11 metërsh që u konkretizuar në mënyrë të saktë nga ana e Rashford që shënoi dhe i dha kualifikimin e madh skuadrës së tij.
Një kualifikim mëse i merituar për United, ndërsa PSG-ja merr një goditje të rëndë duke u eleminuar shumë shpejt nga ky kompeticion edhe pse shiheshin si favoritët kryesorë.
Por edhe Porto ka kaluar në çerekfinale të Ligës së Kampionëve pasi e mundi Romën me rezultat të përgjithshëm 4:3 në 1/8 e finales falë një penalltive të vonshme me ndihmën e VAR-it në kohën shtesë.
Porto e mundi Romën 3:1 në ndeshjen e kthimit në Portugali, por vetëm pas kohës shtesë prej 30 minutave, duke e përmbysur humbjen 2:1 në Romë në ndeshjen e parë.
Ndeshja e rregullt prej 90 minutave mbaroi 2:1 për portugezët me golat e Tiquinho Soares dhe Moussa Maregas ndërkohë që për vizitorët golin e vetëm e shënoi Daniele de Rossi, me rezultat të ngjashëm siç kishte fituar edhe Roma në shtëpinë e vet tri javë më parë.
Kjo bëri që ndeshja të shkojë në vazhdime dy herë nga 15 minuta.
Rreth gjashtë minuta para fundit, Porto fitoi penallti por vetëm pasi gjyqtari e rishikoi incidentin në VAR për një faull në zonë.
Në minutën e 117-të, mbrojtësi i majtë Alex Nicolao Telles shënoi nga penalltia duke ia siguruar kualifikimin Portos.
Porto i bashkohet Ajaxit, Tottenhamit dhe Manchester Unitedit si klubet e para që arrijnë në çerekfinale këtë sezon.
Golat në ndeshjen Porto-Roma
Golat e takimit PSG-Manchester United
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
