Sezoni i shkëlqyer i Merih Demiral me Atalantën e ka klasifikuar ndër mbrojtësit më të mirë të Serisë A .
‘’ La Dea ‘’ fatkeqësisht mbeti jashtë Europës dhe ky fakt ka shkaktuar shumë dyshime për të ardhmen e zikaltërve .
Megjithatë lojtarët e spikatur do të përballen me një merkato tejet interesante dhe të paparashikueshme .
Një ndër ta është Merih Demiral . 24 vjeçari arriti të rikuperonte terrenin e humbur me Juventusin dhe u shëndërrua në një referent në prapavijën e Atalantës falë mbështetjes së Gian Piero Gasperinit dhe natyrisht pretendenti i parë ka trokitur në derën e bergamaskëve .
Turku është i huazuar deri në fundin e sezonit tek italianët dhe në klauzolë ekziston një opsion për blerjen e kartonit prej 20 milionë eurosh .
Por duke patur parasysh se flitet për ‘’ Djajtë e Kuq ‘’ , një ndër klubet më të pasur në botë , sipas tabloidit ‘’ The Mirror ‘’ drejtuesit e Atalantës po mendojnë dyfishimin e kësaj vlere duke përfituar kështu edhe nga potenciali i anglezëve.
Në ‘’ Old Trafford ‘’ parashikohen shumë ndryshime në merkaton e verës dhe tashmë i është bërë dalje Harry Maguire , Victor Lindelof, Eric Bailly-t dhe Phil Jones dhe 20 herë kampionët e Premier Leagues duhet patjetër të mbushin boshllëkun me lojtarë cilësorë , ndër të cilët përfshihen edhe Pau Torres apo Jurrien Timber i Ajax Amsterdamit të cilin Erik Ten Hag e njeh shumë mirë për shkak të së kaluarës në ‘’ Johan Cruyff Arena ‘’.
Një ekip me kaq histori i është besuar hollandezit i cili para disa sezonesh i dërgoi kryeqytetasit deri në gjysëmfinalet e Champions Leagues dhe që asokohe s’ka ndalur në progresin dhe koha ia shpërbleu sakrificat me transferimin në ‘’ Pallatin e Endërrave ‘’.
Merih Demiral mban mbi supe një eksperiencë të konsiderueshme në Serinë A , fillimisht me Sassuolon , Juventusin dhe aktualisht me Atalantën dhe ndoshta Anglia mund të rezultojë zgjedhja e rradhës në karrierën e qëndërmbrojtësit turk.
Mbetja në vendnumëro për disa sezone i ka shërbyer si reflektim drejtuesve të Manchester United se duhet ta harrojnë të kaluarën dhe të japin maksimumin për fitimin e titujve në të ardhmen, pavarësisht se në sezonin vijues ekipi i tyre do të performojë në Europa League .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
