Situatë kaotike në Superligën turke. Një episod i rëndë, u regjistrua në sfidën e fundit, ku presidenti i Ankaragucu, Fati Koca, goditi arbitrin Halil Umut Meler, pas përfundimit të ndeshjes me Rizespor.
Një gol i këtyre të fundit në minutën e 97-të, tërboi presidentin e vendasve, i cili menjëherë u fut në fushe dhe goditi me grusht arbitrin kryesor të ndeshjes.
Pas goditjes së marrë, arbitri Meler u shemb në tokë dhe u transportua në spital, ndërsa presidenti Koca u arrestua nga forcat e rendit.
Reagimet për këtë ngjarje ishin të mëdha, ndërsa Federata Turke ka njoftuar pezullimin e kampionatit pa afat, deri në një vendim të dytë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
