Pavarësisht progresit në vitet e fundit, drejtuesit e Arsenalit janë tejet të përfshirë sidomos në merkato, periudhë e cila besohet se do ti ndihmojë për të arritur objektivat.
‘’ Topchinjtë ‘’ kanë ndryshuar totalisht nën drejtimin e Mikel Artetas, trainer me shumë personalitet, ish mesfushor i tyre.
Spanjolli pretendon të përforcojë repartin e avancuar dhe Yeremi Pino është shëndërruar në një ndër objektivat për vijimësinë.
21 vjeçari i ka qëndruar besnik Villarealit, ekip i cili e ka ndihmuar të jetë i përzgjedhur edhe nga Luis de la Fuente tek ‘’ La Furia Roja ‘’, fakt që meriton të merret në konsideratë.
Yeremi Pino shquhet si një lojtar mjaft teknik dhe i shpejtë, karakteristika që e ndihmojnë gjatë sfidave, sidomos në duelet një kundra një.
Një ndër objektivat e klubit londinez është transferimi i talentëve në ‘’ Emirates ‘’ për ti kombinuar me eksperiencën, dy aspekte të domosdoshëm në futbollin e sotëm.
Yeremi Pino e ka treguar veten si në La Liga ashtu edhe tek kampionët e Europës dhe merkatoja e ardhshme do të jetë një periudhë shumë e rëndësishme, e cila ndoshta do të përfundojë me ndryshimin e ekipit.
Duke iu referuar ecurisë arrihet në konkluzionin se nxënësi i trainerit Marcelino Garcia Toral është i përgatitur për të tjera sfida por gjithçka mbetet për tu parë dhe do të varet nga negociatat e drejtuesve respektivë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
