Khedira: Në këtë Botëror nuk ka favoritë, Gjermania duhet të rregullojë diçka

Ish-mesfushori Sami Khedira, ka folur së fundmi në lidhje me Botërorin, që do të startojë pas disa javësh.

Në fjalët e tij, Khedira deklaroi se nuk ka favoritë, ndërsa shtoi se Gjermania është mes pretendentëve, por duhet të rregullojnë pjesën ofensive.  

Këtë vit nuk ka asnjë favorit të qartë siç ishte rasti me Francën në 2018. Brazili është tepër i fortë dhe kombëtaret evropiane janë gjithashtu në garë për titull.

Franca? Ata mund të kenë lojtarët më të mirë, por Gjermania nuk është keq, veçanërisht si kolektiv. Kjo është arsyeja pse unë mendoj se të paktën mund të arrijë në gjysmëfinale. Ne kemi portierin më të mirë në botë dhe nuk jam i shqetësuar as për mesfushën. Kemi sulmues të mirë, por t’i kthejmë rastet që krijojmë në gola është një problem i madh. Kemi shumë lojtarë të mirë, por ajo që na mungon është një vrasës i tipit Klose.