Barcelona ka tentuar një goditje të rëndësishme në orët e fundit të merkatos. Me Antonie Griezmann që duket drejt kalimit tek Atletico Madrid, me të cilët ka negociuar gjatë gjithë ditës, katalanasit kanë tentuar një spanjoll për ta zëvendësuar.
Bëhet fjalë për Dani Olmo, i cili luan me Leipzig në kampionatin gjerman. Mediat spanjolle raportojnë se Barcelona bëri një ofertë prej 75 milionë eurosh, për të siguruar shërbimet e 23-vjeçarit.
Megjithatë përgjigjja e klubit gjerman ishte negative, duke refuzuar ofertën e bërë nga Barcelona. Te Leipzig nuk kanë ndërmend të heqin dorë nga Olmo në këtë merkato dhe për këtë arsye kanë refuzuar ofertën e bërë nga spanjollët, që tashmë thuhet se kanë nisur bisedimet me Sevillan për Luuk de Jong.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
