Sulmuesi i Luftëtarit Kristal Abazaj vazhdon të tregoj një formë shumëtë mirë çdo ndeshje dhe pas Laçit edhe Vllaznisë, "viktima" e radhës e gjirokastritëve ishte Flamurtari. Skuadra e drejtuar nga trajneri Hasan Lika nuk po di të ndalen në këtë fazë të katërt të sezonit, duke arritur 3 fitore në po kaq javë. Në javën e 31-të të Kategorisë Superiore, bluzijtë mposhtë vlonjatët me rezultatin 2-1 duke i afruar drejtë ëndrës europiane.
Përsëri një super Abazaj, dhe ishte pikërishtë ky i fundit që i siguroi 3-pikët e radhës të besuarve të Likës, që pas barazimit të Partizanit me Lushnjën janë gjithnjë e më pranë kupave të Evropës.
Pa u mbushur 1 minutë lojë, ylli i gjirokastritëve gjeti rrugën e rrjetës, duke përfituar dhe nga gabimi i Nurkoviç.
Ndërsa në minutën e 32 të takimit ishte përsëri Abazaj që me një perlë nga 30 metra dyfishoi rezultatin e ndeshjes.
Miqtë provuan të rihapin takimin me golin e Nedeljkoviç në minutën e 53-të, por goli vlejti vetëm për statistikë.
Ndërkohë, Partizani nuk ka shkuar më shumë se një barazim 1-1 përballë Lushnjës.
Golat e takimit u shënuan në pjesën e dytë, me Pepa që zhbllokoi shifrat pas ekzekutimit të saktë të një 11 metërshi, ndërkohë që Batha një minutë nga fundi i siguroi një pikë jo me shumë vlera Partizanit, që vazhdon të rrëshkasë në klasifikim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
