Trajneri i Egnatias, Edlir Tetova, foli për MCN TV, pas ndeshjes ku skuadra e tij barazoi 1-1 ndaj Tiranës.
Tetova kishte pretendime për arbitrimin, duke thënë se penalltia nuk duhej dhënë për bardheblutë, pasi kishte prekje me dorë gjatë aksionit. Sipas tij, Egnatia e fitoi ndeshjen.
Normal që kam kontestime për penalltinë. Ekipi im e ka fituar ndeshjen, lojtari e ka marrë me dorën topin në hyrje të zonës. Edhe ndërhyrja e Hoxhallarit ishte penallti për ne në pjesën e parë. Ky nuk është rezultat i drejtë. Absolutisht ekipi im e ka fituar ndeshjen sot.
Ishte lojë episodesh. Në pjesën e parë kishte ekuilibër nga të dyja ekipet. Në pjesën e dytë po të shënonte Spahiu do të kishte tjetër rrjedhë loja. Është një nga ato ndeshjet që i ngjan “Final Four” dhe nuk donim të linim hapësira.
Nuk ka lidhje jemi në krye apo jo, më vjen keq për djersën e çunave të mi. Të dalë një dhe të ndëshkojë skuadrën. Jam me të drejtë nervoz.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
