Portieri i Kombëtares, Thomas Strakosha u kthye titullar me Lazion në mesjavë, në ndeshjen që skuadra e Sarrit luajti me Galatasaray në Europa League. Megjithatë për fatin e keq të portierit shqiptar, ky i fundit bëri një gabim, që u kthye në autogol dhe i dha humbjen Lazios.
Kritikat nga specialistët italianë ishin të shumta, por në krahë të Strakoshës kanë dalë tifozët e Lazios. Këta të fundit në sfidën me Cagliarin, kanë shpalosur një banderolë në shkallët e stadiumit ku shkruhej: “Mos i dëgjo ata (specialistët), ngrije kokën dhe shiko përpara”.
Ky moment ka prekur së tepërmi Strakoshën, i cili pasi lexoi banderolën shpërtheu në lot, teksa u përpoq të mbulojë fytyrën me peshqir.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
