Robin Gosens është një ndër lojtarët i cili nuk bën më pjesë në planet e Simone Inzaghit për vijimësinë dhe sipas ‘ La Gazzetta dello Sport ‘ , destinacioni i preferuar i italianit për ti gjetur një zëvëndësues është Primera Division .
Alfonso Pedraza dhe Jesus Vazquez , lojtarë të cilët mbrojnë ngjyrat e Villarealit dhe Valencias preferohen nga ishi i Lazios .
Gjithsesi problemet e Interit në aspektin ekonomik nuk i lejojnë zikaltërve ofertat e majme por sipas të përditshmes italiane drejtuesit e ‘’ Nëndetëses së Verdhë ‘’ nuk do të pranojnë të negociojnë për një shifër poshtë 20 milionë eurove , e cila momentalisht konsiderohet e papërballueshme nga Interi.
Anësori i Valencias shikohet si një akord më i lehtë për tu arrirë pasi nën drejtimin e Gennaro Gattusos nuk ka patur shumë hapësira dhe transferimi në ‘’ Giusseppe Meazza ‘’ mund t’ia ndryshojë të ardhmen .
Momentalisht po analizohet formula, me anë të cilës drejtuesit respektivë mund të shtrëngojnë duart dhe deri në këtë moment gjithçka ka shkuar si duhet në lidhje me negociatat.
Interin e pret një fazë e dytë e sezonit shumë e vështirë dhe ndërhyrjet në pozicionet që konsideron Simone Inzaghi janë të domosdoshme, pasi rivaliteti sa vjen edhe ashpërsohet dhe duhet të jesh në nivelin e duhur për ti arritur objektivat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
