Mbrojtësi Kalidou Koulibaly pritet të jetë largimi i radhës nga skuadra e Napolit. Për futbollistin prej kohësh është përfolur për një interesim të Juventusit, por duket se e ardhmja e tij do të jetë në Premier League.
Sipas asaj që raporton “The Athletic”, Koulibaly është pranë kalimit te skuadra e Chelsea. Këta të fundit thuhet se kanë bërë një ofertë 40 milionë euro dhe bisedimet janë në fazë të avancuar.
31-vjeçari ka vetëm një vit kontratë me Napolin dhe italianët pritet ta pranojnë ofertën, për të mos rrezikuar që ta humbasin falas sezonin tjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
