Mesfushori nga Zambia, Enock Mwepu, njoftoi tërheqjen nga futbolli në muajin tetor të këtij viti. Lojtari ishte pjesë e Brighton në Premier League, por zbuloi probleme me zemrën dhe ishte i detyruar të tërhiqej nga futbolli i luajtur.
Megjithatë 24-vjeçari do të vazhdojë të jetë pjesë e këtij sporti. Anglezët, kanë njoftuar se Mwepu, është rikthyer në klub, ku i është besuar drejtimi i skuadrës U-9.
Ish-mesfushori do të drejtojë skuadrën e 9-vjeçarëve, ndërsa kjo është pritur shumë mirë edhe nga trajneri i ekipit të parë De Zerbi.
“Jemi të kënaqur që Enock ka vendosur të qëndrojë me ne në klub. Do të jetë e rëndësishme për të përcjellë përvojën e tij tek talentet e rinj të klubit.”, tha De Zerbi.
Enock Mwepu luajti me Salzburgun dhe Brightonin gjatë karrierës së tij të shkurtër si futbollist profesionist.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
