Pas Salernitanës, një tjetër klub në Serie A ka shkarkuar trajnerin. Bëhet fjalë për Spezian, që këtë të mërkurë ka njoftuar largimin e teknikut Luca Gotti.
Rezultatet negative dhe vendi i 17-të në renditje, ka detyruar drejtuesit të shkarkojnë Gottin. Spezia ka fituar vetëm një nga shtatë ndeshjet e fundit në Serie A dhe barazimi 2-2 ndaj Empolit, ka rezultuar fatal për trajnerin.
Drejtuesit kanë nisur nga puna për trajnerin e ri, ndërsa kujtojmë se në fundjavë Spezia do të përballet me Juventusin, që e ka detyrim fitoren.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
